هشام ومنار

هشام : مش مصدق نفسى يا حبيبتى
إننا قاعدين مع بعض

منار : ﻻ صدق ما هى بتيجى مع العمى
طباش

هشام: المكان حلو قوى مش كده
......

... منار : ﻻ ده خنيق

هشام: دنا إختارته بالذات عشان عارف
إنك بتحبى اﻷماكن الكﻼسيك

منار: الله يمسيك بالخير يا صﻼح

هشام : مين صﻼح ده ؟

منار : ده حبيبى اﻷوﻻنى

هشام : وإيه اللى فكرك بيه

منار : ﻷ انا دايما فاكراه أصل قصتنا فظيعه

هشام : وإيه اللى خﻼكى تسيبيه (بروح
تييييت فى سره ..... ) يا حبيبتى

منار : وﻻ حاجة أصل شخصيته كانت
قويه وانا مش بحب الراجل اللى عنده
شخصيه

هشام : عشان كده بتحبينى ياروحى

منار : طبعا يا حياتى هو انا عرفت معنى الحب غير معاك

هشام : يا سﻼم عالكﻼم الجميل

منار : الله يمسيك بالخير يا طارق

هشام : ﻻحول وﻻقوة اﻻ بالله مين طارق ده

منار : ده حبيبى وانا فى إعدادى

هشام : ولسه فاكراه

منار : طبعا وطارق يتنسى كان بيموت فى كﻼمى الحلو

هشام : كل الناس ﻻزم يموتوا فيكى يا روحى

منار : مش هنطلب حاجة

هشام : جرسون ممكن نطلب

الجرسون : تحت أمرك يافندم

هشام : تطلبى إيه يا حبيبتى انا هاخد
مانجة

منار : انا هاخد فراوله على استفندى

هشام : إيه الطلب العجيب ده

منار : اصله بيفكرنى بمعتز

هشام : دا ﻻزم حبيبك وانتى بتلمى
المحصول

منار : اشمعنى يعنى

هشام : عشان اليوستفندى وكدة

منار : ههههه يخرب عقلك دنتا عارف
عنى كل حاجة

هشام : ماتسيبينا من الناس دى وتعالى
نفكر فى بعضنا بقى

منار : انت اللى فى القلب يا شوشو

هشام يمد يده ممسكا بيد منار قليﻼ ثم
ينتقل للكرسى المجاور لها ويتبادﻻن
الحديث وأثناء غفلة من الجميع يقترب
منها ويطبع قبله على جبينها تغمض
عيناها بعدها وتركن برأسها إلى
الكرسى وتهمس يا سﻼم الله يمسيك
بالخير يا رامي

يهب هشام من مقعده أثناء أقتراب
الجرسون بالمشروبات ويحمل كوب
الفراوله باﻷستفندى ويقلبه على دماغ
منار ويقولها يلعن أبو صﻼح على أبو
طارق على أبو معتز على أبو عبد الخالق
على أبوكى إنتى كمان ويخرج مسرعا
من الكافيه

تنظر منار للجرسون وتضحك فى
رومانسية وتقول له بموت فى عصبيته
الله يمسيك بالخير يا عﻼء
^^

• غرد
• مشاركة
• اضافة