عدلات واللحاف

********************************
تبدأ أحداث القصه بصرخه من الست عدلات 
يا لهووووووووووووووووووووى يا لهووووووووووووووووووووى حرامى يا ناس
ألحقونى حرامى حرامى يا أم فاروق ألحقونى حرامى يا ناس حرامى وجريت الناس واتلمت على صويت الست عدلات 
وجريت كل الحارة وأم فاروق جريت بأيد الهون والست نحمدو جريت بأيد المكنسه وجريوا على بييت الست عدلات وسمعوا صوتها وهى بتصرخ يالهووووووووووى وكمان بتسرقنى يا راجل ألحقونى يا ناس حرامى يالهوووووووووووووى واتجمعت ستات الحارة أم فاروق ,ام حسين ونحمدو والست فكيهه الخضريه فيه ايه يا عدلات 00000؟

امسكيه يأختى ومتخفيش أحنا جيين أهو وجايبين حبل وهنكتفه ونربطه بيه 0000
وجريت ستات الحارة واشتغلوا تهبيد على باب الست عدلات 000 وهبد ورزع وتخبيط أفتحى يا عدلات أفتحى بسرعه وهتيهولنا يأختى00000

وردت أم أمام دا أكيد الواد حرامى البط بتاع أمبارح دا لسه سارق منى دكر البط المسكوفى أمبارح أفتحى يا عدلات بسرعه أوعى تموتيه غير لما يجبلى دكر البط يأختى واشغلت الستات تهبيد على شقه الست عدلات ورزع افتحى يا أختى أفتحى

وكانت الست عدلات جوة الشقه ماسكه جوزها الأسطى حنفى السباك وعماله تزعق فضحتنا يا حنفى ولميت علينا الحارة ارتحت يأخوى دلوقتى0000000

ورد حنفى وقال أنا يا عدلات ألى عمال أصرخ وأقول حرامى روحى يا شيخه منك لله 000

وردت عدلات ليه مش انت السبب يأخوى داخل تتسحب وبتفتح دولابى ليه 0 عايز تسرقنى يا حنفى
انتى شفتينى يا عدلات بتسحب دانا كنت ماشى براحه أجيب فوطه لانى رايح أستحمى وكنت خايف أصحيكى لانى عارفك وعارف عميلك السودة يا عدلات لما حد يصحيكى من النوم

وردت عدلات بس انت كنت بتتسحب فى الضلمه يا حنفى عايز تسرقنى وتنهبنى يا حنفى 

ورد حنفى هسرق منك ايه يا مخبوله الدهب ولا الياقوت ألى مالى الدولاب روحى يا شيخه منك لله
أيوة اضحك عليا يا أخوى أضحك انت كنت هتسرق شوارى واللحاف الستان والدربيه الحمرا يا حنفى صح ولا انا غلطانه 000؟

لحاف ايه ودرابيه ايه دول بقالهم أكتر من عشرين سنه فى الدولاب 0000000دى العته زمنها اكلتهم يا عدلات يا مفتريه وانتى بتستخسرى تفرشيهم على السرير روحى منك لله يا عدلات فضحتينى وسط الحارة 

واشتغلت الستات تهبيط ورزع على الباب افتحى يا عدلات افتحى يحبيبتى وهو الحرامى مسكلك سكينه ولا أيه 00000؟
اديلوه يأختى بالبوكس فى عينه ولا يهمك لو ضربك بالمطوة المستوصف فاتح والحكيمه موجودة متخافيش أحنا مش هنسيبه يا حبيبتى 
افتحى بدل منكسر الباب يأختى واشغلت الستات يا لهوووووووى يا عدلات يالهوووووووى 

ورد حنفى منك لله يا عدلات فضحتينى روحى يا شيخه ربنا يسامحك

وردت عدلات انت السبب يا حنفى انت ألى طمعن فى اللحف والدربيه الحمرا 

طيب يا عدلات أنا هوريكى وهشترى لحاف فيبر وبقى ورينى هتتغطى بيه أزاى يا عدلات مفتريه 
وردت عدلات بتحلف عليا يا حنفى طيب ايه رايك أنى هتغطى باللحاف الفيبر وانت فى الشغل 
ورد حنفى والله يا عدلات لانا أخدة معايا فى الورشه أنا هربيكى يا عدلات 
وجرى حنفى وفتح باب الشقه علشان يجيب اللحاف الفيبر 
وستات الحارة صدقوا مالباب اتفتح وأشتغلوا ضرب يا عينى فى حنفى بالعصيان وأيد الهون 
,ام فاروق تقله أنت ألى سرقت دكر البط بتاع أم شوشو وألله مهسيبك غير لما تجيبه 
وجريت عدلات تلحق حنفى الغلبان بس بعد مكانت دماغه اتفتحت وأيدة أتكسرت 
وزعقت عدلات كفايه يا ستات كفايه دا جوزى 
حنفى أبو العيال يا حبيبى يا حنفى مكنش يومك ياخويا هعمل أيه من بعدك يا حنفى 0000000؟
وقام حنفى وقالها ابقى اتغطى باللحاف والدربيه الحمرا يا عدلات 0000000 
وقام حنفى وهو مش قادر يمشى وبردوا هشترى اللحاف الفيبر يا عدلات 00000

• غرد
• مشاركة
• اضافة