قصص حب رومانسية: تغطي الحب بالتراب الجزء الثامن

الجزء الثامن

اليازيه: مبرووك فطييم مبروووك 
فطيم بابتسامه باهته: الله يبارك فحياتج عقبالج ان شالله 
اليازيه وابتسامه خبيثه ع ويهها: لا فديتج.. انا بدايه هالاسبوع ملجت والاسبوع الياي العرس.. 
فطيم: صدق والله.. مبرووك الله يوفقج ليش بهالسرعه عااد
اليازيه: لانه ريلي يموت فيني وما يطيق لحظه من دوني
فطيم: الله يهنيكم ببعض
اليازيه: انزين ما بتسالين منو هو ريلي 
فطيم: وانا شو يخصني..
اليازيه: لانه ريلي هو ولد خالج سيف
فطيم اسودت الدنيا بعينها مب مصدقه اللي تسمعه.. سيف ملج ع اليازيه والعرس الاسبوع الياي..!! لا مستحيل اكيد هاي تخرف..كيف سيف بياخذها.. سيف يحبني انا.. لا مستحيل.. معقوله كان يلعب بمشاعري.. ما صدق انخطب ويسير يخطبها.. لا لا سيف مب جييه.. وميرووه ليش ما قالت لي.. معقووله وليش امي خواني وخواتي ما خبروني .. اكيد يعرفوون.. قطع سرحانها صوت اليازيه: فطييم تراج اول المعزومين وا ول وحده بتوصلها البطاقه
فطيم وبعدها منصدمه بس ما حبت تبين لليازيه: الله يوفقكم
اليازيه: اميييين فديت روحه انا.. انزين انا بنزل تحت عند قوم امايه .. طلعت اليازيه وعلى ويهها ابتسامه انتصار حققتها على فطييم:ههههههههههههههههههه ضحكتيني يا فطييم... شكلج يضحك يوم خبرتج.. ما توقعتي سيف يخطبني لا وعقب يومين من خطبتج.. هههههههههه ما قلتلج ما بخليج تتهنين بسيف قلتلج سيف لي انا وبس.. وهي نازله من الدري شافت ميروووه بتركب سوت لها: هااااي.. استغربت منها ميرووه شو ياها هاي مستانسه جييه.. اف ليكون سارت عند فطيم ولا قالتها شي .. الله ياخذج يا يزوي .. تبينها من الله.. اف شو بقوول حق فطيم بس ان شالله ما تكون قايلتلها شي.. يا رب البنيه ملجتها اليوم.. الله يهديك انت بعد يا سيف ما رمت تصبر شوي ع الاقل تعرس البنيه عقب املج وعرس.. ما ادري شو هالقرار المفاجىء اللي خلاك تخطب اليازيه وتملج مرة وحده.. يا ربي انا ما اعرف شو استوابه هالانسان انجلب حاله مرة وحده.. حدرت ع فطييم وشافتها ويهها غادي اصفر وخاافت عليها واايد مشت لين ما وصلت صوبها.. اطالعتها فطييم وكلها نظره الم وسؤال وحزن وعتاب.. ميرووه نزلت عيونها ما تعرف شو تقوولها ولا ترد عليها.. هيه كانت ناويه تخبرها بس مب الحين عقب بس شو اسوي بهاي يزووي.. الله يهديج بس ويعين سيف عليج.. ميرووه تبا ترمس بس شو بتبررر ولا يتحجج به: فطييم انا 
قاطعتها فطيم: ليش يا ميرووه..؟؟ حلوة اللعبه اللي لعبتوها ويايه..؟؟
ميرووه: لا لا يا فطييم .. شو لعبه .. انا مالي دخل بكل اللي صار 
فطيم:حلو تمثيليه سيف.. ما صدق انخطب وسار يخطب ويملج.. يوم اخوج مب قد الحب لا يحب..تعرفين شو اللي قاهرني اني حبيت واحد ما يستاهل.. صحت ع واحد حب يلعب عليه لا والقهر واحد من لحمي ودمي.. ويوم خذ ما خذ غير يزوووي.. ليش ليش يا ميرووه ليش 
ميرووه: فطيم سمعيني
فطيم: حتى انتي يا ميرووه قصيتي عليه.. ما خبرتيني
سارت ميرووه وحضنتها حليلها فطيم شو بتتحمل ولا بتتحمل. مب كافي هالهموم اللي عايشتنها.. الله ياخذج يا يزوي.. الله يهديج تمت تمسح ع راسها وتهديها: فطييم سمعيني انا والله مالي دخل بهالسالفه.. هو يانا فجاة ورمس امايه وقالي خطبوا لي اليازيه وبملج عليها هالاسبوع والعرس الاسبوع اللي عقبه.. اقوولج انصدمنا انا وامايه وكل اللي فالبيت.. ما صدقنا حتى امايه تمت تساله كم مرة انت متاكد تباها.. ولا محموم وفيك شي.. قال لا انا اباها.. وفطيم راحت ويا نصيبها وانا بعد بشوف حياتي.. ما فيها شي وبعدين اليازيه بنت عمي وانا اولى فيها.. امايه ما ردت له طلبه لان حاله من عقب خطبتج مب شي.. لا ياكل ولا يشرب ولا يقر فالبيت.. وملجته تقدرين تقولين سوت نقطه تحول فحياته.. مع ان الكل يعرف ان سيف ما يحب اليازيه ولا يدانيها ولا ندري اشمعنى هيه اللي اختارها من بد بنات العايله مع انه شي الاحسن عنها.. وانا يا ما حاولت اقنعه وارمسه واساله شو اللي غيره فجاة وليش مستعيل ما يقولي غير انا ريال وابا اشوف حياتي واكمل نص ديني.. سكت عنه وقلت خلاص هنييه وخلاص تنتهي قصه سيف وفطيم والله يوفقهم فحياتهم ثنيناتهم.. وزاد صياح فطييم: ميرووه ليش ليش ياخذها.. ليش يعرس ليش..
ميرووه: والله ما اعرف لا تساليني اي شي عنه.. فطييم خلاص هالشي مكتوب فحياتج وحياته وخلاص انتوا الاثنين بتبدون حياة يديدة.. انسيه وابدي من يديد.. وخليه ذكرى حلوة فحياتج
فطيم: ذكرى حلوة!! مستحيل.. ميرووه انا اكرهه اكرهه.. سيف لو يحبني جان ما عرس الحينه.. تعرفين حسيت عمري شرات الهبله اللي اول واحد قالها احبج ربعت وراه ويوم افتك منها دور وحده وخذها.. شو الفرق بيني وبين هالصايعات
ميروه: فطيم ها سيف< BR>فطيم: ادري ومب معور قلبي غير انه سيف.. سيف اللي صدق حبيته وعزيته.. سيف شرات علي وغيره.. سامحيني ميرووه سوري اعرف اني ارمس عن اخووج.. بس من قهري.. ما احبه ما احبه 
ميرووه: ما عليه انا عاذرتنج والصراحه سيف مب من حقه يسوي اللي سواه.. انا حتى انقهرت.. شو اللي بيخليه يخطب الحينه ويعرس بسرعه.. تصدقين ما عندنا وقت كله مشغولين بالعرس من نصبح لين ما نمسي
فطييم: تنداس دنيا الحب بالتراب تنداس وينداس قلبن ما وفى مع خويه
ميرووه: لا يا فطيم في فهالدنيا حب صادق ويعيش 
فطيم: لا ما عاد فهالدنيا شي اسمه حب.. الكل ماخذ الحب لعبه يسيرها ع هواه..متى ما يبا يحب ومتى ما يبا يخلي اللي يحبه.. هذا اذا حبه يعني يوم يمل منه يخليه 
ميرووه: عندج مثال خليفه..
فطيم: الله يوفقكم ويا بعض.. بس انا خلاص ما عندي امل لا فالحب ولا خرابيطه.. اذا اعز الناس يخوننا شو تتوقعين من الغير..
ميرووه: افف يا فطيم رديتي للعقدة القبليه.. 
فطيم: كان عندي امل فسيف بس سيف اكد لي ان الرياييل كلهم شرات بعض..
مييرووه: اخ يا فطييم .. شو اقوول.. فديت روحج.. شفتي بلاوي واايد من هالدنيا وتحملتيها.. وصبرتي واايد .. ربي يعوضج بهالريل.. خلاص فطييم انسي سيف وابدي ويا سلطان حياة يديدة انا الصراحه واايد مستحيه منج.. ومالي ويه اشوفج.. ما توقعت هالشي من سيف..انا اروحي منصدمه منه.. مب قادرة اصدق.. والله اقوولج ايلس افكر شو اللي ممكن يخلي سيف يعرس
فطيم: هزرج عسب ينساني
ميرووه: انا اعرف سيف.. فطيم ما اظن..
فطيم: ميرووه سيف بنظري خااين.. تعرفين اكرهه ما اقدر احبه ما اقدر ارد المشاعر الاوليه
ميروه: طمطومتي انتي الحين ما يحقلج تفكرين غير بسلطان خلاص هو ريلج..
فطيم: يا هالسلطان تعرفين اكرهه اكثر.. ما اعرف ما اعرف كيف بعيش وياه.. ما اقدر انسى انه السبب اللي فرقني عن سيف بس تعرفين اقوول يمكن هو اللي كشف سيف ع حقيقته.. سوري ميرووه
ميروه: هههههههههه.. ويا ويهج شو ها خربتي الميك اب.. يلسي عدل بعدلج اياه.. عقب شوي بتنزلين تحت..
فطيم: ما ابا انزل مالي خلق.. وبعد هالملجه لازم حفله وغربال
ميروه: ههههههههههههه هييه لازم فهاليوم تكونين زوجه رسميه للي خطبج..
فطيم: والله ولا همني.. يعله اففف 
ميروه: بسج لا تسبين ف الريال.. حراام يمكن تحبينه مع الايام
فطيم: هع حب مسحت صفحه الحب من قاموس حياتي
ميرووه: يا ربي راسج يا بس يالمعقدة.ز انزين يلسي عدل لا تتحركين بضبط لج الميك اب.. بعد لو خربتيه مرة ثانيه ما بروم اضبطه ما شي وقت.. عنبو انتي واايد دلووعه تحيرتي ع الحريم واايد 
فطيم: كيييفي تعرفين الود ودي ما انزل واخليهم يتريوني ..
ميرووه: هههههههه اشك 
فطييم: شو اسوي حكم القوي ع الضعيف.. بس والله لاراويها ها سلطانووه.. براويه النجوم فعز الظهر
ميرووه: فطيم عن خباالج ها..
فطيم: ابرايها محد قاله ياخذني.. جنى ع نفسه

شوي يندق باب حجرة فطييم، نشت اليازيه وسارت تتطالع منه بطلت الباب وحصلت رفووع يايه تزقرهن عسب ينزلن، حدرت رفووع الحجره وسارت تسلم ع فطيم
رفيعه: ما شالله عليج فطييم تخبليين.. اسميه بيتخبل ريلج 
فطيم: يهبي ما بخليه يشوفني
ميرووه: هههههههههههههههه غصبن عنج بيشوفج
فطيم: مب ع كيفه.. ما بشوفه يعني ما بشووفه
رفيعه: اخ عليج فطييم.. يخبل ياختي كل البنات متخبلات عليه 
فطيم: يتهنن به
رفيعه تصاصر فطييم: افا وانتي العاقله.. خلاص قدر ومكتوب.. ارضي الله كتب لج هالنصيب
ابتسمت لها فطييم وهي تسمع هالرمسه من رفيعه، حست عمرها شكثر صغيره جدام رفوع هاي اللي اصغر عنها قالت كلام عوود وكلام انسان مؤمن بقضاء الله وقدر ه.. وميرووه نعم الرفيجه وقفت وياها وااايد وسمعتها كلام مب حلوو عن اخوها بس ما قالت شي.. دمعت فطييم: ربي لا يحرمني منكن يااا رب
ميرووه ورفوع: امييييييييييين 
ميرووه: فطيم بيوصلج كف من صوبي .. بسج من هالدموع خربتي المكياج.. الحين بيشرد عنج ريلج وباجي المعازيم
فطيم: هههههههههههه وها اللي ابغيه
ميروه و رفوع: وبعديييييييييييييييييييييييين يعني
فطيم: ههههههههههههههههه خلاص خلاص انزين

فطيم كانت غااااااويه من الخااطر تخبل.. كانت لابسه فستان عنابي وحاطه ميك اب على لون الفستان.. ورافعه شعرها ومنزله كذا خصله كانت تخبل تخبل.. ميرووه لابسه فستان ذهبي مزين باكسسوارات وميك اب ع لون الفستان وكانت مبطله شعرها اللي يوصل لين جتفها.. ورفوع مسويه فستانها شرات ميرووه بس هي كانت لافه شعرها ومخلتنه متدلي ع طرف وكانت حلوووة بس فطييم مسكته عليهن.. قرت عليها ميرووه قبل لا ينزلن وتمنت لو الله كتب فطيم لسيف بس..
رفوع سبقتهن اما ميرووه نزلت ويا فطييم.. كانت الملجه رهيييبه وااايد كانوا مسوينها فخييمه اللي يشوفها يقول عرس مب ملجه.. وكانوا المعازيم وااايد اللي خلا فطييم ترتبك زوود ما توقعت كل هالناس بيون عسب الم لجه وكانت عيون الحريم عليها لانها ما شالله عليها حلوة وتخبل.. وفطيم من طبعها تستحي واايد وما تحب اللمه واليمعه فهالجو كان غريب عليها وكانت وااايد مرتبكه تمت ماسكه ايد ميرووه وكان قلبها صدق يدق بالقو.. بغت تصييح ميته خووف وتحس انها حادرة عالم غريب عنها وناس اغرب.. كل شوي توطي راسها وميرووه تقوولها ترفعها وشوي ترد توطيها ابتلشت بها ميرووه لين ما وصلت ع الكووشه انبهرت فطييم بالخيمه والكووشه وقالت فخاطرها: هييه ما تنلام عيل يوم وافقوا عليك.. افف الله يصبرني على هالبلوى.. يا ربي وهاييل يعني لازم ييلسن يبحلقن.. افف شو حفله ما خرابيط وعععع ما احب هالسخافات.. افف الله يعيني
ميروه: فطييم فطيييم 
فطيم: ها ها شو 
ميرووه: اللي ما خذ عقلج يتهنا به 
فطيم: اي عقل يا ميرووه..!! انا احس عقلي كله راح.. ما ادري احس شكلي اغلط امبين هاييل الحريم 
ميرووه: اكيد شكلج غلط يوم انتي ما تسيرين اعراس ولا حفلات حابسه عمرج فحجرتج 24 ساعه.. الحين شوفي كيف بتضطرين تجابلين الحريم واهل ريلج .. هههههههههه يعني تعودي من الحين 
فطيم: اففف وانا شو اللي بلاني بها كله
ميروه: هههههههههههههه سنه الحياة.. انزين رفعي راسج خلج جريئه شوي..
فطيم: اوهووو عرس وغصب بعرس بعد حق شو المجامله ..
ميرووه: هههههههههههههه والله الله يعينه ريلج .. اقوولج اتشوفين هاي الواقفه ويا عمتي هاي عمتج ام ريلج.. الصراحه طيبه واحليلها حرمه ما عليها رمسه حبيتها وتشوفين هالبنتين اللي يايات صوبنا هاييل خوات ريلج..
فطيم: ما شالله .. ما اسرع ما تعرفتي عليهن 
ميروه: يا بنيتي ابغي اطمن عليج 
فطيم: ههههههههههههههههههههه فديت روحج ميرووه ربي لا يحرمني منج 
ميرووه: ولا منج .. نشي نشي سلمي ع خوات ريلج

في خيمة الرياييل.. اهل المعرس كلهم يايين وممزرين الخيمه وسلطان ريل فطيم عمره 23 حلو وسييم ومزيوون.. كل بنات العايله ميتات عليه يشتغل فشركه ابووه وهو مديرها.. انسان طيب وحبووب وكل اللي يعرفه يحبه.. يحب اهله ويحترمهم واايد وهو اكبر اخوانه.. عنده اخو واحد جمعه عمره 19 سنه اولى فالكليه شاب طايش وراعي سوالف ومغازل عكس اخوه سلطان وعنده اختين الريم 20 سنه ثانيه فالجامعه حبوووبه والاجرب لسلطان، و بخيته 18 سنه ثانويه عامه.. دحيحه فالدراسه مؤدبه وعاقل وراعيه سوالف وربشه والاشطر من بين اخوانها كلهم..
وهل فطييم كلهم يوا وحتى سيف،كان يالس ويا خليفه.. سلم ع سلطان وعبدالله 
سيف: مبروووك 
سلطان: الله يبارك فيك..
سيف ويصد لعبدالله: مبرووك بو حمييد
عبدالله: الله يبارك فيك.. يالله الفال لك 
سيف: عرسي الاسبوع الياي ولازم توون.
عبدالله: ان شالله ما طلبت.. ويصد ع سلطان: ها ولد خالي سيف وها ولد عمه: خليفه
سلطان: تشرفنا والله
سيف: وانا اكثر بو مييد.. 
خليفه: مبرووكين عبدالله 
عبدالله: الله يبارك فيك عقبالك
خليفه: ههههههههههههه جريب ان شالله .. وسحب سيف عسب يسيرون وييلسون بعيد شوي..
سيف: ها شو ياك..؟؟ بلاك تسحبني 
خليفه: يا ربي ما اقوااك يا اخي .. شو من قلب عندك
سيف: يا اخي ما اباها فطييم.. الله يوفجها .. هي اختارت حياتها وانا بشوف حياتي بعد
خليفه: امووت واعرف شو اللي جلبك مرة وحده ع فطييم
سيف: اللي ما يباني مره الف ما اباه
خليفه: ومنو قالك ما تباك..؟؟ تخبلت انت
سيف: افف خلووف انا هالسالفه ابا انساها ولا ابغي اذكر شي يخص هالانسانه.. اكرهها.. يا اخي القلب عافها وبعدين الحب مب بالغصب
خليفه: سبحان مغير الاحوال.. سبحانه يغير ولا يتغير 
سيف: يالله .. انا شو بيفجني من محاضراتك.. نش خلنا نيلس ويا عبدالله
تنهد خليفه وفخاطره: اه .. يا رب سيف شو اللي غيره شو شو.. لا حول لله

سلطان: مرحبا والله بسيف..
سيف: الله يحيك.. شو النفسيه 
سلطان: هههههههههه عاادي والله.. انا البنيه ما شفتها للحين 
سيف" اه لو شفتها شو بتقول فطييم اخ يا فطييم": ههههههههههههههه الله يعينك عيل يوم بتشوفها
سلطان: جييه تزيغ 
خليفه: ههههههههههههههههه اووف هييه حتى ام دويس احلى عنها.. والحينه اكيد صابغع ويهها يعني ما بترقد اليوم فاخير لك لا تشوفها 
سلطان: خيييييبه لهالدرجه
خليفه: واكثر اخر مرة شفتها فحفله تميت اسبوع كامل بلا رقااد
عبدالله: ههههههههههههههههههه عنلاتكم.. خلووف ويا ويهك ولا جنه هاي اللي ترمسون عنها اختي 
خليفه: اونه فطيم اختك!! السموحه السموحه ما عرفت 
عبدالله: لا تتطنز حضرتك
خليفه:لا استهبل 
سيف: بو حمييد ما عليك منه.. ها دوومه ثجييل دم 
خليفه: يتني العقدة.. يا نااس ابغي اتاكد انا ولد عمهم ولا لا .. بشتكي عليك عند هاي مالت حقوق الانسان
سيف: ههههههههههههههه انزين اكووه الدرب 
خليفه: لا لا اهاانه .. شو هااا .. جرحت مشاعري ما بسامحك
سيف: اصلا انت لوووح 
سلطان: خليفه خلاص اتريا شوي انا ب وصلك لين حقوق الانسان
خليفه: هيه هيه كلكم متفقين عليه تبون تفتكون مني.. واحليلي انا ..
سلطان: تراك انت تبا تسير ما نبا نكسر بخاطرك
خليفه: لا لا اكسروا بخاطري.. ويلف صوب سيف بعدين انت يالدب منو بياخذ ختك 
سيف: عاادي اختي الف من يتمناها
سلطان: افا علييك عندنا جمعه بنحيرها له
سيف: خلاص هذو المعرس البديل وحصلناه
خليفه: حشا عليكم امررره ما صدقتوا.. 
سلطان: هههههههههههههههههههههههههههههههههههه.. الله يغربل سوالفك يا خليفه..
خليفه: سلطان ما اسمحلك ليش تغربل سوالفي حييه تدعي عليهن 
سلطان: ههههههههههههههههه السمووحه الشيخ 
خليفه: لا لا ما يسدني تستسمح
سلطان: طاعوا ها انتوا.. شو تبا بعدك 
سيف: لا تعطيه ويه ما بيصدق عقب هذا
خليفه: افا يا ولد العم ما هقيتها منك
سيف: اقوول خلووووف اكووه الدرب 
خليفه: ابغي علم ابيض .. بعلن انسحابي اليوم 
الكل: هههههههههههههههههههههههههههههههههههههههههههه..

سيف رغم حساسيته من سلطان عسب فطييم الا انه حب هالانسان، انسان طيب ويدش الخاطر بسرعه وراعي سوالف، وهو انسب انسان لفطييم وخذوا رقمه هو وخليفه وتواعدوا يتلاقون عقب، خليفه بعده مس تغرب من سيف، ومب قادر يعطي تفسير لاي من تصرفاته، شوي وبيتخبل منه،سلموا ع سلطان وعبدالله وترخصوا منهم وطلعوا، ركب سيف سيارته ووياه خليفه..
خليفه: سوااف شوي وبتخبل 
سيف وبابتسامه باهته: شو ياك 
خليفه: ع قد عشرة العمر اللي بيننا احس عمري عاجز عن فهمك..
سيف: وشو اللي تبا تفهمه
خليفه: تغيرك ع فطييم وملجتك ع يزوي وعرسك ويلستك ويا ريل فطيم 
سيف: اه.. شوف الريال ما بيني وبينه عداوه.. وبعدين فطيم هي اللي اختارته وهي حره انا هب غاصبنها عليه واللي ما يباك لا تصيح تقول ابغيه.. وانا هاي حياتي واختاراتها بارادتي وحريتي بعدين مليت من العزوبيه ابغي اشوف حياتي واعيشها لين متى بعيش ع ذكراها سنه ثنتين عقب شو .. وهيه يالسه تعيش حياتها فانا لييييش اهتم 
خليفه: ومنو قالك ان فطيم هي اللي اختارته
سيف: عرفت ووصلتني العلوم 
خليفه: سيف كيف تصدق رمسه وصلتك 
سيف: خليفه الرمسه فهالسالفه لا بتجدم ولا بتاخر في شي فطيم خلاص ملجت وانا ملجت .. لا انا لازم افكر فيها ولا هيه لانه بجييه نخون الطرف الثاني وانا فطييم ما عادت تعنيلي شي.. اما سلطان يا اخي حبيته الريال دش خاطري وانا ما بعاديه عسب بنيه.. هب انا يا خليفهخليفه سكت ما عرف شو يقول ولا يرد عليه.. حاس انه لاول مرة مب قادر يفهم سيف، معقوله ها تفكيره عن فطييم، يا ترى منو اللي وصله رمسه عن فطيم وليش وشو قصده، اففف وانا شو لي، خلاااص الاثنين بدا حياة يديدة والله يوفقهم، انا لو يلست افكر فالسالفه بتخبل..

الريم: ما شالله حرمه اخويه غااويه..
فطيم: تسلمين غناتي عيونج الحلوة
بخيته: والله لو شافج بيتخبل عليج 
الريم:هههههههههههه شو ها انا لاحظت عليج وااايد تستحين.. الله يعينه عليج ترا سلطان واايد جريء..
ميرووه: اففف لا تتخبرن عن المستحى اففف جنه كل مستحى الدنيا عاطينه فطييم
الريم: ههههههههههه عنبو لهالدرجه.. ما عليه مع الايام بنخليها جريئه
فطيم ساكته بس تبتسم ولو رمست كلمتين وتسكت.. عذرنها البنات عسب مستحاها وهيه مب قادرة تيلس اكثر تحس عمرها يالسه فناار.. والدقايق تمر ثجيله، تفكر في سيف، ليش سوا جييه..؟؟ معقوله كان حبه كله وهم ولعب، يا ربي ما اعرف ما اعرف.. استغفر الله انا يالسه اخون هالانسان، المفروض ما افكر الا فسلطان، بس كيف والله ما اقدر، سيف شال تفكيري وكياني، ما اقدر افكر في غيره، بيعرس، اخ اخ، لا حول ولا قوة الا بالله.. فطييم عن الخبال اعقلي انتي ع ذمه ريال وعيب وحرام اللي تسوينه حراام.. فخاطرها تصيح بس وين ما ترووم .. قابضه عمرها قد ما تقدر.. رفعت راسها والا تشوف حرمه ياي صوبها وتصاصرها ميرووه: غناتي ام ريلج يايه.. ابتسمي ورفعي راسج.. يالله فطييم هونيها وتهون.. خلاص انسي.. عشان خاطري نبدا صفحه يديدة وابتسمت لها ميرووه ردتلها فطيم الابتسامه وعاهدتها نفسها تحاول تنسى سيف قد ما تقدر ولو انه صعب ويمكن مستحيل وتحاول تبدا صفحه يديدة فحياتها ويا سلطان لانه هو هالانسان اللي بيشاركها حياتها وما يستاهل منها اي كره.. دقتها ميرووه بجتفها عسب تنتبه.. عمتها يايه صوبها عسب تسلم .. وقفت فطييم وابتسمت لها:

ام سلطان: مبروووك غناااتي ..
فطيم مستحيه: الله يبارك فيج عمتي
ام سلطان: ما شالله غاااويه.. الله يخليج لسلطان
وشوي ين باجي البنات وربعها وبنات اعمامها وحريم اعمامها وحرمه خالها وربيعاتها وخواتها يسلمن عليها، شوي نست احزانها وبدت تندمج وياهن ويلست تتصور وياهم وويا ميرووه وحبت الريم وبخيته واايد حبوووبات وطيبات، وهن بعد حبن فطييم وتمن يرمسن عن سلطان، فطيم ارتاحت له من رمستهن بس بعدها ما تقدر تحس باي شي صوبه، وما تعرف كيف بتكون حياته وي اه.. ميروه كانت وياها ما فارقتها كانت تنصحها وتقويها، وقفت وياها واايد وفطييم ما بتنسى لها هالوقفه، وع العشر روحن الحريم ما عدا قووم ميرووه، اليازيه قبل لا تروح يت صوب فطييم..
اليازيه: مبرووك فطيم الله يوفقج ان شالله وما وصيج.. عرسي لازم تحضرينه
ميرووه: يزووي بــ
قاطعتها فطيم: افا علييج من الصبح بييج لين البيت وهب مفارقتنج ولو تبين بزفج بعد 
انقهرت اليازيه من رد فطييم وميرووه منصدمه ومب هاينه عليها فطيم: فطييم ما عليج منها.. تعرفينها يزوي دوومها جييه
فطيم ابتسمت لها: ما عليج .. تعودت خلاص عليها وعرسها لازم احضرها.. سيف ما عاد يعنيلي وما همني ولوخذ عشر مب وحده
ميروه تعرف ان هالرمسه مب من خاطرها بس هيه هاي فطييم اللي تخفي حزنها وتشل همها.. شوي ويدق عبدالله الباب: هوود هوود 
لبست ميرووه عباتها وتغشت: حياااك عبدالله 
عبدالله: السلام عليكم 
فطيم وميروه: وعليكم السلام والرحمه والبركه
ميروه: خليفه يترياج برع فالسيارة.. ويصد ع فطيم: فطيم ترا سلطان بيحدر يسلم عليج
فطيم ومنزله راسها: ما ابا مب لازم 
عبدالله: فطيم ها ريلج وها من حقه ولازم يسلم 
ميرووه: فطييم شو قلنا.. شكله كلامي ك له راح ع الفاضي صح
فطيم: بس 
ميرووه: لا بس ولا شي.. اعتبري الحينه هي نقطه البدايه واعبريها بسلام
فطيم تمت تتطالع ميرووه وترد تشوف عبدالله مب عارفه شو تقرر.. ميروه حطت ايدها ع جتف فطييم.. وابتسمت لها: ما وصيج طمطومتي بيضي الويه وبيننا فوون غمزتلها وطلعت.. وصدت تتطالع عبدالله: انزين بس 
عبدالله : بس شو 
عبدالله: تم ويايه لا تخليني برووحي 
سار عبدالله ويلس عدالها: ههههههههههه فطييم شو هالجمال تخبلين.. اكيد خبلتي بالحريم..
فطيم ابتسمت ونزلت راسها وما علقت ع عبدالله 
عبدالله: ههههههههههه انزين قولي عيونك الحلوة.. بل هب مستحى عليج ها.. انزين سمعي يالحلوة سلطان ريلج ومن حقه ييلس وياج.. كلها ربع ساعه وبيطلع
فطيم وعيونها كلها رجاء وتوسل يتم وياها.. وعبدالله بعده مصر ع رايها.. مط لها خدودها اقوولج: خلاص انتي حرمه الحينه بلا هالدلع وهالمستحى لازم تشلينه من اليوم ورايح .. الحينه بخليه يحدر
فطيم: اووف منكم رياييل .. ما احبكم ما احبكم 
عبدالله: هههههههههه بتغيرين رايج من عقب سلطان 
فطيم اتطلع لسانها وتغمض عينها: لا مالت عليكم ما بغير راي ريااييل وكلكم شرات بعض افففف.. يوم بطلت عينها انص دمت كان واحد جدامها يخبل من حلاته.. يمكن احلى واحد شافته عينها.. ما تقدر توصف حلاته.. قفطت بشكل ونزلت راسها وغمضت عينها.. شوي وتسمع ضحكه تمت تدعى عليه فخاطرها: هيهيهيهيه وااايد يضحك.. اففف انا شو اللي بلاني فهالبلوه.. يا ربي ابا امووت.. ابا اطلع من هنييه بس كيف.. الله يسامحك يا عبدالله.. شوي ولا تحس بحد جريب منها وريحت عطره شاله البقعه.. ما تبا تبطل عينها تخااف تشوفه هنييه.. خاطرها تشرد عنه بس شقايل ما ترووم وخاصه عقب هالموقف السخيف اللي صار لها يوم دخل هو.. سمعت صوت: مبرووووك
بلعت ريجها انطبت.. بطلت عينها وراسها تحت وايديها متشابكه تحركهن مرتبكه.. ما تعرف شو تقول ..؟؟ شو تسوي ..؟؟ تمت ساكته
سلطان: ما شي الله يبارك فحياتك ولا ي مبرووك
فطيم وبصعوبه: م ـــ بـ ـــ رــــ وــــ ك
سلطان: خييييييييييييييييييبه بلاج تقطعين ما باكلج
فطيم فخاطرها:" بلاج تقطعين ما باكلج" فقدت ويهك يالسبال
سلطان: انزين ارفعي راسج.. مد ايده ورفع ويهها .. غمضت عينها سيدة..ههههههههههه لا حووول يعني بنرفع راسج بتغمضين عينج.. شو ها يبالج ترويض انتي
فطيم بطلت عينها وقررت تتجرأ وما تخاف بس حست عمرها اضعف من هالموقف كيف ويا انسان غريب ما تعرفه بس حست بارتياح صوبه..
ابتسم لها : ما بغيتي ويلس عدالها وهي بعدت شوي عنه
سلطان: هههههههههههههههههه لا حووول .. يهالمستحى شكلح بتعذبيني .. ما بترمسين انزين قولي شو اسمج
فطيم تتطالعه منصدمه وقالت بعفويه: ما تعرف اسمي!!
سلطان ويضحك ع شكلها: هههههههههههههههههه اعرف انج فطييم 
فطيم: سخييف
سلطان:هههههههههههههه مقبوله حرمي المصون.. تعرفين انج تخبلين ما توقعتج جييه.. شو رايج نعرس الاسبوع الياي ما اتحمل .. اخاف امووت قبل لا انعرس
فطيم اطالعته صح ما تحبه ولا تكرهه بعد وبصوت واطي: الله يطول بعمرك
سلطان: يعني اعني لج شي..؟؟
فطييم انصدمت ما توقعته ممكن يسال جييه وصدقهن خواته وايد جريء.. وانقذها دخوول عبدالله اخوها.. سلطان شكله تضايج كان خاطره ييلس اكثر.. عبدالله: عنبو لزقه هب ناوي تروح
سلطان: يا اخي ما شبعت من حرمتي؟؟
عبدالله: ما عليه بتشبع منها عقب وبتمل
سلطان وعينه ع فطيم: والله ما اظن.. اقول عبدالله بس دقيقه بودعها قبل لا اسير 
عبدالله: لا حوول تقول محد ملج غيره
سلطان: ييهااء اسميك مذله قلتلك دقيقه ما قلت ساعه
عبدالله: اونه ساعه!! وين تبا 
سلطان: ابا فطييم 
عبدالله: ههههههههههههه تنكت 
سلطان: اففف يالله عاد اطلع بس دقيقه
عبدالله: طاعوا ها بيتنا ويطردني ولو بيته ما اعرف شو بيسوي .. تشوفينه فطييم
فطيم تتطالعه وخاطرها تفلعوهم هالاثنيين وفخاطرها" والله انكم متفيجييين" ويايه تطلع تحس بايد واحد قابضنها لفت كان هو سلطان" اففف يا ربي شو يبا ابغي اكفخه.. اونه بيودعني .. مالت عليك وع وداعك" : فطييم وين سايرة 
فطيم: بطل ايدي
سلطان وعاقد حياته: ليش 
فطيم: هاا.. بس 
سلطان: ما ببطلها شو بتسوين..؟؟
فطيم" عنلاتك يالسبال شو بسوي بفلعك بالنعال، بل هب جرأة عليه اففف طفر بي يا اخي ودعني واذلف افففف"
سلطان: فطييم تعرفين شو انا ارتحتلج واااايد وحبيتج من خااطري مع ان هاي اول مرة اشوفج فيها..
فطيم احمرت ونزلت عينها.. رفع ويهها صوبه: واحلى شي فيج ها مستحاج اللي احس به زياادة عن اللزوم بس ما عليه مع الايام بيرووح وغمزلها.. تحملي ع عمرج غناتي .. فطييم ما صدقت طلعت بسرعه صوب حجرتها حست هاليوم وااايد طويل ما بغى يطوف.. وكل حدث فيه ما تقدر توصفه.. تحس جنها عاشت كل سنين عمرها فهاليوم.. والشي اللي ما غاب عن بالها شخصين سيف وسلطان وخاصه سلطان ما قدرت تمح يه من بالها.. يلست تفكر بكل هالاشياء بماضيها حاضرها ومستقبلها المجهول اللي ما تعرف شو نهايته وشو مصيرها.. يقطع تفكيرها دق ع الباب سارت وبطلته : هلا والله .. شو ما رقدت 
عبدالله: وانتي شو للحين ما رقدتي 
نزلت عينها وتنهدت: مب يايني رقااد 
عبدالله: انزين اندوج هاي هديه من سلطان لج .. قلت اسلم الامانه لاصحابها قبل لارقد.. يالله تصبحين ع خير ..
فطيم" فاايج هالانسان": وانت من اهله.. وخذت الهديه كان بوكس متوسط الحجم ملفووف بغلاف احمر ومزين بشرايط ورديه كان شكله وااايد حلو ويا باقه ورد احمر .. تخبل الباقه وفيها بطاقه.. فرتهن ع الشبريه وسارت تتسبح وتبدل ثيابها وتغسل الميك اب.. طلعت من الحمام" الله يعزكم" وطاحت عينها على هالورود والهديه المفرورة ع الشبريه.. طنشت وسارت تنشف شعرها وتسحيه، كان شعرها طووويل وناااعم وااايد حلو .. فطييم متلعوزة منه وياما بغت تقصه بس امها هب طايعه تقولها حلاة البنيه بشعرها.. سحته وربطته ويايه بترقد.. حاسه عمرها ما رقدت من سنيين وسنييين بس الفضول ذابحنها تبا تعرف شو فالهديه.. شلت الورود شمتهن كانت الريحه واااايد غاااويه وخذت البطاقه وقرتها" عســــاني ما انحرم " شوفك " حبيبي سيـــ د " خلاني " أنا لاغابت " عيونك " ترا دنياي " ما أبيها " حبيبي شوفتك " عندي " عن الدنيا " وما فيها "
سكرت البطاقه وردتها مكانها وبطلت الهديه كانت مجموعه عطوور نسائيه من باريس غاليري يلست تشمهن عيبنها وااااايد : ذوييق ما شالله عليه.. الحينه انا بعيش ويا سلطان وقلبي ويا سيف!! تعبت افف شو اسوي.. سلطان ماله ذنب فاللي صار وسيف!! باعني برخييص ودمعت عينها وشريط ذكرى سيف يمر جدامها بس بسرعه مسحتهاوقررت تكون اخر دمعه تنزل ع سيف

• غرد
• مشاركة
• اضافة