قصص حب رومانسية: تغطي الحب بالتراب الجزء الرابع

الجزء الرابع

ميرووه يالسه فالحجرة تفكر باللي صار لها اليوم ويا خليفه، تحاول تفسر شي من شعورها واحاسيسها اللي تلخبطن اليوم من شافت خليفه وعقبها طيفه مب راضي يبتعد عنها وعن بالها.. تمت محتارة فمشاعرها وتحاول تدور الاسباب اللي تخليها تهتم هالاهتمام الكبير بولد عمها.. بس ما حصلت جواب للاسئله اللي فبالها.. وحااولت وااايد ترقد بس ما قدرت فنزلت تحت فالصاله وحصلت سيف يالس يتطالع فلم ع التلفزيوون ويلست ويااه..

سيف : هلا والله .. شو بلاج ما رقدتي..؟؟
ميرووه : والله مب يايني رقااد خلت خلني انزل شوي.. جان احصل لي سيد الينون سهران فبيتنا
سيف: ميروووه ويا ويهج الحين انا يني يا ام دويس
ميرووه : ههههههههههههه انا ام دويس.. انزين انزين ما عليه
سيف: طاعوا هاي انتوا اونه تهددني .. لا لا ما عينتي خير
ميرووه : ههههههه شو بتسوي يعني .. انا اعرف عوقك ونقطه ضعفك .. ما ترروووم تسوي شي
سيف: لا حووول هاللي بيذلني الحينه.. الدبه شحالها فطييم
ميرووه : ههههههههههههههههههاااي لا لا عيد ما سمعت عيد الله يخليك
نش سيف وسار صوب ميرة ومسكها من ايدها بقوو وصاارخ فاذنها: شحاااااالها فطييييييييييييييم
ميرره : سوااف والله سخيييييف صمخت لي اذني .. وحرتن فيك مب قاااايله وسو اللي بتسويه
سيف بترجي: ميروووه والله حراام عليج لا تستوين لي شرات خلووف
ميرة فز قلبها من سمعت اسم خليفه : خليفه..!! اي خليفه ليكون ولد عمي .. ليش شو سوالك
سيف: هههههههههه بس لا تضحكيين عليه.. وخبرها الساالفه
ميرة وهي ناقعه ضحك : ههههههههههههههههههههههههههههه قسم بالله مصخره.. ههههههههههههههههههههههههههههههههههه والله وطلعت مقصه
سيف : ميرووه يالسباله انا قلت لا تضحكين عليه
وميرة مب قادرة تيود عمرها من الضحك : ههههههههههههههههههههههه شو اسوي والسالفه تموت من الضحك ..ههههههههههههههههههههههههه بس لو اخبر فطييم .. يا سلااام هههههههههههه
سيف : والله وقسم بالله يا ويلج ان خبرتيها
ميرروه: هههههههههههههه اسولف عنبو بلاااك عصبت جييه.. خلاااص توبه خلاااص .. فطييم بخير وعاافيه الحممدلله ..
سيف : عسااه دووم يا ربي.. وشوي يرن تليفون سيف ويرد عليه: مرحبا مرحبا بالعااشق الكتووم
خليفه : ههههههههههه اي عاشق واي كتوووم .. جب يالله فاارج
سيف: ويا ويهك منو اللي متصل انت اللي فاارج
خليفه : هههههههههههه ما عليه الا شو تسوي ما رقدت للحينه ليكون تفكر فيها هااا يالله اعترف
سيف: هههههههههههههههه كيفي والله .. انت اللي شو مسهرنك للحين اكيد تفكر فيها
خليفه : لا حووول يا خي محد فحيااتي .. يجذب الجذبه ويصدقها..
سيف: يقولك الشااعر : راعي الهوى لو يكتم السر مفضووح .. وانت عيونك وتصرفاتك فاضحتنك يا اخي
خليفه : ههههههههههههه يا اخي مشكله اللي يتوهمون ويفسرون الامور ع كيفهم..
سيف: انزين يا خلوووف بشوف شو اخرة ها السالفه
هنيه انقبض ويه ميرة وتغير شكلها.. حست الدنيا تدور فيها وانها مخنوقه وكارهه المكان اللي يالسه فيه.. ليش ما عرفت ..؟؟ يمكن عسب انها سمعت ان خليفه يحب ولو هو انكر هالشي.. معقووله خليفه يحب.. بس يحب منو..؟؟ وليش ليش يحب..؟؟ وانا.. هنيه سكتت انا .. انا انزين شو يخصني هو كيفه يحب اللي يبا انا شو لي .. ليكون انا احبه .. احب انا لا لا .. وما صحت الا باييد ع جتفها صحتها من تساؤلاتها وخيالها وافكارها..
سيف: ميروو فد يتج شو فييج
ميرووه : ها لا ما شي بس تعباانه وبرقد
سيف: اها .. انزين يلسي شوي خلووف بيي وبنسهر ويااه باجر اجازة وما ورااج شي.. ها شو راايج
ميرة : تمت ساكته ما عرفت شو ترد هيه ولا لا .. والا شوي يسمعون دق ع الباب.. ويفتح سيف الباب يوم ميره اطالعت شافت خليفه انصدمت ما عرفت شو تسوي اتم مكانها اتنش اتسلم ولا تسير حجرتها.. وبين مشاعرها المتضاربه واختياراتها المتعدده سمعت سلااام من صوب خليفه اللي صحاها من يديد من دواامه افكارها وخيالاتها...

خليفه وهو عينه عليها : هلا ميرووه شحاالج
ميرة وهي اطالع كندورتها وما رفعت عينها عليه : بخير.. ربي يعافييك.. ومن صووبك ..؟؟
خليفه : بخيير داامج بخيير .. شو سهراانه للحين
ميره : هييه والله مب يايني رقااد وسهرت ويا سواافي
سيف : حووه انتوا الثنينه ما شالله داقينها سواالف وانا طرطوور هنييه .. لا يمكن نااطور الصاله مالتكم .. يالله يالله ميررو سيري هاتيلنا عصير وشي ناكله
خليفه : لا لا مب لازم يلسي ميرووه ما يحتاي
وقاطعه سيف : بوويه مب حقك حقي وحق اختي.. انت منو عزمك اصلا
خليفه : هههههههههههه والنعم ما شالله عليك كريييم كريييييييم ولا حاتم الطائي< BR>سيف: لا طائي ولا صادي .. انطب انت .. سيري فديتج ميروو والله ميت يووع وهاتي حق هالدب بيووع بعدين بياكل اكلي
ميرة : هههههههههههههههههههههه ان شااله
خليفه ويطالعها بنص عين : لا عايبنج واخوج يطنز عليه.. ههههههههههه ما عليه براويكم انتوا الثنينه ..
ميرة سكتت وما علقت ع رمسته وساارت صوب المطبخ تييب الاكل .. وخليفه حس ان ميرة فيها شي مب طبيعيه ولا هي اللي شايفنها من كم سااعه واستغرب تصرفااتها وحس جنها حااطه فخاطرها من صوبه بس هو شو سوا ولا شي .. بعدين يلس عدال سيف ..
خليفه : اقول سيف ميرووه من متى ويااك هنيه
سيف : ما ادري يمكن من نص سااعه
خليفه : يعني كانت هنيه يوم كنت ترمسني مسااعه
سيف: هييه ليش ..؟؟
خليفه : ها .. لا لا ابد ما شي بس جييه اسال
سيف : اقووول خلووف
خليفه : ها
سيف: ما شي
خليفه : قسم بالله انك فاااضي .. سيفووه يالدب
سيف : دبه حرمتك .. انا دب .. شوف هالجمال .. انت قول انك تغار مني.. ومن جمالي الاخاااذ
خليفه : هههههههههههههه جماال اونه .. لا بويه ليش اغاار انا روحي اسكر عليك من حلااتي
سيف : اونه يالله يالله فاارج .. خقاااق اونه عااد .. انت تعرف اني ما احب ال خقاقين يالله تشوف باب البيت اطلع منه بسرعه الخقاقين ليس لهم مكان في منزلنا
خليفه : لا لا انا زعلت عنبو مرتين الحين طاردني من البيت ما يصير جييه زعلت انا خلاص
سيف: تشووف كم طووفه فبيتنا سر اتنقى وحده واضرب رااسك فيها
خليفه : ههههههههههههههههههههههه ويا ويهك .. انا اشك الصراحه انك ولد عمي .. جييه ترحب فيني لا لا .. خلاااص ما بطب بيتك مرة ثانيه
سيف: هههههههههههههههههههههههههههههههههههههههههههههههه.. مشكله الزعولين .. ههههههههههه
خليفه : لااا .. انا زعوول يا المقصه انت
سيف: هههههههههههههههههههههههههه خلااص وحده بوحده
خليفه: امررره ما تنغلب فالرمسه
شوي وميرووه يت ويايبه عصاير وسندويجات وهي عينها ع الدرب وابد ما حطت عينها ع خليفه اللي تم طول الوقت يطالعها من اول ما يات ومنقهر منها انها هب عاطتنه سالفه ولا حتى اطالعته وحاز فخاطره تصرف ميرووه وهو ما سوالها شي.. وميره نفسها ما تعرف ليش جييه تسوي ومتجاهلتنه طول الوقت هو ما سوالها شي ولا ضايجها.. خليفه طول عمره حبوب وراعي سواالف وطيب واااايد وحنون وهي تحس انهها تعزه وااايد..هو كان الوحيد اللي يدافع عنها من كانوا يهاال ويلعب وياها ويوم يتضايج ايي عندها ويشكيلها رغم انه اكبر عنها بس يحس بالامان وهو عندها ويحس بالراحه يوم يشكيلها وهي كانت بعد تسوي نفس الشي.. والله والله يا خليفه ما اعرف شو بلاني.. احس عمري ضايجه منك.. يمكن لاني عررفت انك تحب.. صح والله اتمنالك السعادة من كل قلبي وربي يوفجك بس انا واايد اتضااايجت من عرفت انك تحب..ما اعرف ليش .. لا اعرف لاني احبك هييه احبك ومن كل قلبي واموووت فيك وما اتمنى حيااتي بليااك.. وما اقدر اشوفك لغيري.. ما اقدر اشوفك بعيييد عني رغم قربك.. اه يا رب ترحمني برحمتك.. ما الومك يا سيف يوم تحب فطييم كل هالحب.. الله يكتب وتتيمعون وربي ما يفرقكم يااا رب.. وخليفه من الصوب الثاني يالس يفكر بلاها ميروووه.. شو اللي مغيرنها اه يا ميرووه لو تعرفين انتي شو بالنسبه لي انت اغلا من روحي علي.. انت نصخي اللي اتنفسه.. انتي نبض القلب اللي اعيش به.. انتي اللي انا من دونج ولا شي..ما اقدر اشوفج زعلاانه جييه ولا اقدر اشوووفج بعييده عني.. ولا هالحزن اللي في عينج اللي بيحطمني ومعورلي قلبي.. فدييت روحج يا ميرووه.. تلفت ع ميرووه وشافها تتطالعه ابتسم لها وردت له الابتسامه فرح من الخاااطر.. كان وده ينااقز يوم شاف ابتسامتها وده يطير ويقوول للعال م احبها يا ناااس احبها... خااطره يقوول لسيف زووجووني ايااها الحينه باخذها عنكم ما ابغي اعيش عمري بلاياها.. اما ميرووه نست كل الحزن اللي كان محتلنها وشافت نفسها عاايشه بمكان ما فيه غيرها وغير خليفه والحب محيطنهم بكل مكاان..

خليفه : سوااف يالدب الحين زاقرني عسب ايلس ويااك هنيه وبس يا اخي نبا نستانس نفرفش.. شو ها تباني اطالع هالفلم والله عايفنه شايفنه 5 مراات
سيف وعينه ع التلفزيون: يالله خلااص الحينه خلص.. والتفت عليه : انزين شو تبانا نسوي.. عنبو نص الليل كيف نفرفش الحينه.. تبا تلعب ويا الينانوه
خليفه: لا لا شو رايك انت وانا وميروه بنلعب لعبه.. بقول بيت شعر والحرف اللي بيخلص به بتبدا به انت واللي بتخلص به بتبدا فيه ميرووه فهمت واللي ما بيعرف بيطلع والفايز له جاايزة اها شو راايك 
سيف: تمااام .. عيل انا ابا رصيد.. ما يخصني وبعد رصيد بو اربعين درهم
خليفه: يالزطي تبا رصيد بحسابي ها.. انزين انت فوز قبل عقب يصير خير.. وصد ع ميرووه: ها ميرووه شو رايج ولا ما تبين تلعبين ويانا
ميرووه: لا بالعكس دام السالفه فيها رصيد بلعب 
خليفه: ههههههههههههه ما الومج دام اخوج سيف الزطي 
هنيه نقزت ميروه ور دت لطبيعتها: لو سمحت سوااف اخوي مب زطي.. فديته انا كريم ولا كرم حاتم الطائي
خليفه ابتسم لها وميرووه ذابت من هالابتسامه استحت و نزلت راسها ع تحت وعقب رد عليه سيف: هههههههههه فديت اختي انا.. شووف لا تحااول ويا ميرووه هاي القلب مالي انا
خليفه من قال سيف القلب سيدة وجهه نظره لميرووه اللي اطالعت خليفه وعقب اطالعت سيف وردت : فديت روحك يا اخوي .. بس لا تحااول محد ماخذ القلب كثر فطيم.. ابتسم لها سيف وعقب اطالعهم خليفه بنص عينه وقال : انتو شنغل ومنغل لو بتمون جييه لين باجر ما بتخلصون.. يالله انا ببدا .. وانتوا اختاروا منو بيكون الثاني .. 
ميرووه وسيف: اووكي 
خليفه : احم احم 
سيف: شو بتغني .. لا لا الله يخليك مب فايجين عوار الاذن نحن
خليفه : الله يخس عدوك يا سيفووه.. تتمنى صوتي انت 
سيف: ههههههههههه الحين ما بيسكت.. يالله ابدا الشاعر خليفه

خليفه وهو يطالع ميرووه: يا طير ســــلم على الحبيب ..قله تـــــــــراني مستـــصيب وجـروح قـــلـــبي مــــــا برت ..أنـــت الـــدوى و أنـت الطبيب

ميروه لا ارادي ردت عليه: بـــرق ورعـــود صــــدري عـذبـنّــي دمع عينـي شـرى الوجـد الصبيبـي.. والـ لـيـالـي فــــي حــبــه لـتـهـنـي فــي الـهـوا مالقـيـت الـلـي يثيـبـي

انتفض قلب خليفه واطالعها بحزن وصد ع سيف عقب: يالله سوااف شو يااك رقدت ولا ما تبا تلعب.. يالله حرف الياء
سيف: اقوول العب انت وميرووه انا مالي خااطر... ابغي اتابع البراناامج.. بس طرش لي البطااقه لو ميرووه فازت اطالعها وغمزلها.. ميرة اطالعت سيف وابتسمت وردت تتطالع خليفه اللي جنه استانس من اقتراح سيف.. وصد ع ميره وحس انها الفرصه المناسبه له عسب يعبر عن مشاعره واكيد ميره بتفهمه لانها تحب الشعر وتمووت عليه.. وما بيحصل احسن من هاي الفرصه: ابتسم خليفه بمكر واطالع ميره اللي كانت تترياه يكمل قالها بهمس اهداااااااااء : يا وصفة الحب يا دكتوري وطبي يا راحة النفس في دنياي بأكملها.. ياكبر حظي ان حقق مطلبي ربي ملكت دنياي آخرها مع أولها

ميروووه انصدمت وسكتت واستحت وغدى ويهها اشارة مروور ما توقعت انه ممكن يعترف بحبه وجدام اخوها صح بطريقه غير مبااشره.. حست بالفرح بالسعادة بالخوف بالارتبااك ما تقدر تعبر عن شعورها ما تعرف شو بترد عليه الحين شو بتقوله هييه ولا لا .. ردت اطالعت سيف وعقب اطالعت خليفه شافت فعينه ترجي وشوق وامل ويتريا اجابه لسؤاله وهي ما تقدر تكتم اكثر تحس عمرها مخنووقه كفايه كتمتهن لين الحينه وتخااف لا تفقده فيوووم وعقب بتندم فقررت ترد عليه وتطفي لهيب هالمشاعر والشوق وتبدا رحله حبها مع خليفه من هالليله ابتسمت لها وقالت : 
أنا اهواك يا عمري انـا اهواك انا اتمـنّاك .. وشوقي لمن هويناهم يـزيـد ودوم عـمّـالـي غريم الشوق ما يقوى جفاك ومطلبه لقياك .. ونار الشوق في صدري لهيبٍ دوم شعّالي

خليفه ما اترياها اول ما خلصت رد : يا فتنة الكون مــن قــدّك .. الأوّل وبـاقي العرب ثـانـي
غرقان غرقـان في ودّك .. ولا هـمّنـي قـول عـدوانــي
لو تطلب الـروح ما اردّك .. تفداك يا دعـج الأعيانـي
والله لــو تـأشّــر بـيـــدّك .. لأبيع عـمـري بـخسـرانـي
تسحرني بمزحك وجـدّك .. تعزف على نغمة اشجاني
ويذبحني الشوق من بعدك .. مـتـفـرّع بـكل وجــدانــي
ياخذ سنا الشمس من خدّك .. والخود من حسنك تعاني
ما دام مافي العرب قدّك .. عيش الفرح والعمر فاني

ميرووه ابتسمت واستحت واستاذنت وروحت داااخل.. خليفه يطالع سيف: اقوول سوااف البطااقه بتم فمخبااي ما بعطيك شي 
سيف: ههههههههههه ما عليه غلبتني اليوم.. بس باخذها منك باخذها ..< BR>خليفه : ههههههههههه انزين يالله انا ساير البيت وااايد سهرت اليوم..
سيف: شو شو وين تسير الحينه.. عنبو وتصك خط لين العين لا لا.. اطالع الساعه كم انت .. ما شي والله انك ما تشبر شبر واحد برع البيت 
خليفه: يا سيف والله ما يحتاي .. الا شوي وبوصل
سيف: انا حلفت خلاص بنسير الميلس وبنبات هنااك..
خليفه : الله يهداك يا سيف .. امرنا لله .. وسار سيف ويايبلهم لحااف وساروا صوب الميلس ورقدوا.. بس سيف ما غضت عينه و كيف بيرقد وهو مستانس وميت من الوناسه ومالك الدنيا كلها.. اخيرا حس بالراحه عرف انه ميره تحبه.. خلااص ما بيمنعهم من بعض اي شي.. و عقب مووت قدر انه يرقد..وميرووه نفس حالته ما رامت ترقد ابدا عقب اذن الفير صلت وطلعت صوب المطبخ تجهز الريوووق..

فبيت فطييم

احمد: فطوووم فطوووم .. وينج فطووووم
فطيم : افففففف نعم ها شو تبا 
احمد: فطووم 
فطيم : يا ربي شو ها ها
احمد: هامبا
فطيم : قسم بالله مب فايجتلك .. اجلب ويهك يالله
احمد: على اي صفحه
فطيم : احمصوه يالسبااال اطلع برع الحجره بسررعه ولا .. افف يالله اطلع
احمد طلع بسرعه لانه يعرف فطيم من تعصب ما ترحم حد.. يلست فطييم وردت لافكارها وحياتها وهمومها.. فطييم صار لها اسابيع متغيره وااايد وما تطلع لاهلها كلها يالسه فالحجرة وشكلها متغير.. ما عادت فطيم الاوليه حتى دراستها مهملتنها ولو لا وجود منى ربيعتها جان الحين منطردة من الكليه.. الكل احتاار في امرها حاول يعرف شو سالفتها بس هب طايعه تخبر حد.. وميرووه انشغلت هالفتره وقامت ما تسال عن فطييم عسب جييه ما تعرف عن حااالها.. فطييم كانت ما تطلع من حجرتها الا حق الدواام وترد لحجرتها مرة ثاانيه.. حتى الاكل اييبونه لحجرتها بس ما تذوق منه الا شوي وهذا عقب ما اييون ويهزبوونها.. الكل حااول يعرف شو فيها بس من دون فاايدة.. لدرجه انهم ظنوا انها يمكن مسحوورة ولا شي .. بس هي قالتلهم لا ما يخصه مشغووله بالدرااسه بس شو السالفه الصدقيه محد يعرفها للحين.. واحمد اخووها الصغير دووم ها حالها يحااول يضحكها ويونسها.. احمد اقرب شخص لفطييم ويحبها وااايد ويعتبرها شرات امه.. يوم يستهم ولا يتضايج ولا يبا شي ايي عندها وهي ما تقصر فيه.. وهو اكثر واحد يعرفها ويحس فيها.. وعسب جييه ما كان عايبنه حال فطييم ابدا.. يا ما حااول يطلعها من حاالتها بس ما فلح فهالشي.. انسدحت فطيم ع شبريتها ونزلن دموعها وحده ورا الثانيه ت فكر بحاال هالدنيا.. وكيف ان الحياة صعبه.. اه اه يا زمن صدق انك ما ترحم حد.. وتعطينا الاحزان كلها.. وما تفرق فالعمر.. ليش اللي نبااه ما نحصله..؟؟ ليش ننخدع فالنااس.. ليش الناس تجذب وتلعب.. ليش الدنيا كريهه وصعبه جييه.. لين متى برافق الهم وبيرافقني.. شو هالحياة اللي ما من وراها غير الهم والنكد.. اه يا زمن ليتك ترووف بحالي وترحمني.. تسمع تليفونها يرن نشت متثاجله ومسحت دموعها وشلت تليفونها حصلت رقم ميرووه.. استانست من الخاااطر يمكن لانها محتايتنها ومحتاايه تسمع صوتها.. تولهت عليها من الخااطر.. دقت ع الزر وسمعت صوتها سكتت ما ردت عليها وميرووه ترمس بس ما تسمع ححد يرد عليها

ميرووه: الو فطيييييييم فطييييييييييييم الو الو
فطييم بعدها ساكته تبا تسمعها تولهت عليها مووت ولصووتها وعقب انفجرت: ميروووووووووووووه فدييييييييييييتج حياااتي والله تولهت علييج وينج يا ميروووه ليش خليتيني برووحي ليش يا ميرووه نسيتيني.. ليش خليتيني ليش ..؟؟ وينج عني من زمااان.. انا محتايتنج ياا ميرووه..؟؟ ميرووه وينج عني ..؟؟ ليش ليش تخليني ..؟؟ ميرووه انا محتايتنج يا ميرووه.. لا تخليني بروووحي

ميرووه انصدمت برمسه فطييم وخاف ت عليها: فطييم غنااتي شو فيج حبيبتي.. شو صار ..؟؟ شو السالفه..؟؟ خوفتيني علييج ..؟؟ والله فديتج مشغووله كنت ولا انا ما اقطعج يعلني افدااج ياا رب.. الحين بخلي سوااف اييبني عندج والله مسافه الدرب وياايه .. لا تحاتين..
فطييم حست انها تسرعت ولا شي هي محتاايه لميرووه وااايد محتايه ترمسها ما تقدر تسكت اكثر تحس عمرها مخنوووقه وبصوت كله تعب والم واحزاان: ان شالله بتريااج.. تحملي ع عمرج مع السلامه.. وسكرت عنها

ميرووه ربعت صوب حجرة سيف وقالت لها يوديها لفطييم بس ما بينتله شي.. وهو ما صدق خبر طااع لانه بيسير عند الحب ماله.. ميرووه لبست عباتها وشيلتها وركبت السيارة حتى ما حطت لها جحاال من كثر خوفها ع فطييم.. طول الدرب وهي تفكر فيها وشو ممكن اللي صايبنها ومخلنها بهالحاله.. هب عواايد فطييم ولا من طبيعتها.. دووم انسانه كتوومه وشاله همومها بروحها وما تحب حد يشاركها اياهن.. وسيف مستغرب سكوت ميرووه وسيرتها لها اليوم وفجاة والحاله اللي سايرة فيها ميرووه بس ما حب يسالها بس خااف ع فطييم ليكون صاير فيها شي.. وتم هو الثاني مستهم عليها ودعا ربه انه ما يكون فيها شي .. وميرووه يالسه ع اعصابها تتمنى تغمض عينها وتوصل الحي نه عند فطييم.. فطيم من عقب ما سكرت عن ميرووه تسبحت وتعدلت وتجهزت لو انها مالها خااطر بس عسب ميرووة ما تنصدم منها ومن شكلها.. وفي احساس بداخلها يقولها ان الحياة فيها امل وهالاحزان ما هي الا صدمات وصفعات يتلقاها الانسان عسب يتعلم منها ويستفيد.. تنهدت ونزلت تحت شافت كل خوانها وخواتها يالسين ويا امهم فالصاله يالسين يسولفون ويوم نزلت الكل تفاجا بنزولها وارتسمت علامات الصدمه فويوهم.. اللي سرعان ما تحولت لعلامات فرح وونااسه واولهم اخوها احمد.. اللي شق الحلج من الوناااسه.. فطييم حست بتانييب الضمير وانها عذبت اهلها وياها وخلتهم يشلون همها.. وعيشتهم بحزن فتره مع انهم ما يستاهلون وبالاخص اخوها احمد اللي صدق وقف وياها طول فتره حزنها وما قصر حاوول يفرحها ويطلعها من جوها الكئيب بكل ما يقدر رغم صغر سنه وقله فهمه للحياة.. اجمل ما كان يفرحها فهاللحظه هو اهلها والحب اللي يسود بينهم وتماسكهم وزعلهم لزعل واحد منهم وشلهم لهمه وفرحهم لفرحته.. هالشي كله يسوى فرح الدنيا كله ووناسته.. ما في شي يسوى وجود الاهل واهل شراتهم متماسكين ومتحابيين.. اطالعت احمد واشرت له ايي صوبها ما صدق ربع وهو ياي جان يتخرطف زاغت عليه فطيييم وربعت صوبه و ا طالعته ويوم شافها ضحك فويهها.. ضحكت وياه فطييم وضحكوا الكل ويااهم.. احمد ربع وطاح فحضن فطييم.. فطييم ما اتحملت كل هالحب والاهتماام وصااحت واحمد تم يمسح عنها دمووعها.. سكتت فطييم وابتسمت لهم عقب خبرتهم ان ميرووه بتي واستاذنت وسارت صوب المطبخ تسوي شي.. حست براااحه وان الدنيا بعدها بخيير.. يلست تسوي بسكوت كيكه ع السريع .. ويت بتسوي عصير احتارت شو بتسوي بس فجاة طرالها سيف واتذكرت انه يحب عصير كوكتيل ابتسمت فجاة وهي تذكر وحده من مواقفها وياه يوم هم يهاال:

فطييم كانت تحب تلعب ويا الاولاد وما تخاف منهم وتحب العابهم وتيلس وياهم اكثر من البناات.. مرة فطييم كانت تلعب كرة قدم ويا عيال فريجها وكانوا قوم سيف يايين بيتهم هاك الوقت وتم يراقبها من بعيد .. كانت فطييم بنت 9 سنوات وسيف 13 سنه.. كان يضحك ع تصرفاتها وخبالها وكان يغاار عليها من الاولاد اللي تلعب ويااهم.. وكان هيه هالشي يضاايجها حتى مراات يقولها ما تلعب وياهم وهي يالسه تلعب جان يدفرها واحد وتطيح وطاحت طيحه عورتها وانجرحت ايدها شوي لانها طاحت ع حصاه صوب ايدها.. شافها سيف وربع صوبها شاف ايدها الميروحه ودموعها عقب سار صوب الولد وضربه لين قال بس ولو ما فجوه باجي الاولاد عادي ينذبح الولد من كثر الضرب اللي ضربه سيف عقب سار صوب فطييم مسح دمووعها واطالع يرحها وشافها بنظره حنيه اللي سرعان ما تغيرت لغضب وقال لها: فطيييم اياني وايااااج تلعبين ويا الاولاد مرة ثانيه ولا والله ما برمسج طوول حيااتي تفهمين ولا لا 
فطييم كانت تعز سيف واااايد وما كانت ترفض له طلب: ان شااالله بس لا تهزبني اخااف منك 
سيف: هههههههههههههههه يالشيطانه اونج تخاافين مني .. 
فطييم : سواااف.. انا مب شيطاانه.. انزين ليش ضربته حراام كنت شوي وبتذبحه
سيف: فدييت اللي يقولون سوااف.. لو ذبحته احسن عيل يضربج ويدفرج..
فطييم : هههههههههههه تعرف هو يبا ينتقم مني.. عسب خبرت ابووه انه يلعب وما يذااكر 
سيف: ول ول علييج.. يوم اقولج شيطاانه تقولين لا ..انتي شو لج يذااكر ولا لا 
فطييم : بخبرك بس لا تقوول حق حد 
سيف: انزين ما بخبر حد 
فطييم : انا .. امممم .. انا احبه
سيف انقهر من رمسه فطييم واطالعه وسار عنها وما رمسها.. انصدمت فطييم ونشت وربعت وراه... سيف ما اتحمل يشوفها تتحمل المها وتيي صوبه وقف واترياها لين ما توصل له .. وصلت واطالعته بحزن: ليش زعلت وسرت عني 
سيف سكت وشلها لين وصلوا البيت ويلسها ع دري بيتهم وعقب اطالعها : انتي قلتي تحبينه بعد شو تبيني..؟؟ انا ما اهمج
فطييم : ليش سواااف ..؟؟ انا بالعكس انت تهمني واااايد انت بعد احبك 
سيف: لا انتي يوم بتحبين لازم تحبين واحد وبس اللي هو انا لاني انا بكون ريلج فاهمه ولا لا .. انا باخذج محد بياخذج مني 
فطييم : انزين انا بعد ما بتزوج الا يوم انت بتتزوجني .. ههههههههههههههههه لا تصيح انزين
سيف: ههههههههههههههههههه ما بصيح بس يا ويلج جان خذتي غيري بذبحج والله بذبحج يالدبه.. وطبع بوسه ع خدها
استانست فطييم كانت صغيره وما تفهم الحياة وما تفهم رمسه سيف لذاك الزوود بس هييه انطبع في حياتها انها لسيف وسيف لها.. بس ما في يوم تخيلت انه ممكن هالشي يتحول لواقع ممكن تعيشه بس سيف حبوب وطيب ويستااهل كل خير.. وهي تفكر بكل هالاشياء وابتسمت ومن وراها سمعت صوت واحد وخاافت يوم لفت شافته ما توقعت انها بتشوفه اليوم بس الحظ والقدر اكتبوا انها تشوفه اليوم وفاللحظه اللي كانت تفكر فيه ..
سيف: احم احم 
فطييم : هلا والله.. مرحبا الساااع 
سيف وعينه ع فطييم وكل مشااعر الشوق مكتوبه فعيوونه: مرحبا والنفس طربانه للقصيد وشاعرن ياها والكتاب بطيب عنوانه و الحروف بطيب مجناها
فطييم : ههههههههههههههه واحليلك يا سيف ليكون مصدق عمرك مطرب وفناان
سيف: وعشان اعجبك وأراضيك أصبـحتلك ميحد بفنـي ..وخذت وقفت محمد عبدو بالمسرح وهو طرباني
فطييم سكتت وما علقت ونزلت عينها لتحت وتمت تلعب بصبوعها خايفه هاللقاء كيف ممكن ينتهي.. تتمنى بس يعدي على خير.. وتترياه يررمس بس هو ساكت وهي مب قادرة ترفع عيونها وتتطالعه بس لاول مرة فحياتها تحس بجاذبيه صوب سيف.. هو حليوو مب بس حليوو الا يخبل من حلاااته ابيضااني وشعره شوي طوويل.. كان لابس كندورة سوداء وغتره حمراء ولا بس نظارة شمسيه وطااالع جنان.. يعق الطير من حلااته .. للحظه رفعت عينها وتمت تتامله وتتامل حلاته تلاقت عيونهم فبعض شافت الحب والشوق والوفا اللي رغم البعد ما زال هو نفسه.. تذكرت شو صار لها من فتره وعقدت مقارنه وشافت انه سيف يسواهم كلهم وانه ما يستاهل صد فطييم له.. صح هيه ما تحبه بس تعزه وفطيم رضت ولا ما رضت بتتزوج سيف بتتزوجه وما بحصل احسن عنه يصونها.. تمت هالافكار تيي وتروح فبالها وهي تدمع بس ما حست فيهن وشافت سيف ياي صوبها.. خافت واستغربت واستحت بس بعدها عينها عليه مب قادرة تنزلهم.. يوم صار جرييب منها غمضت عينها وحست بصب ع ع ويهها يمسح دمووعها وقالها بهمس هز مشاعرها هز: فطيييم غناااتي طول ما انا عاايش ما ابغي ويهج ينجرح بدمعه وحده فاهمه.. كل دمعه تقطع قلبي واذا ما تبيني انا اتقطع لا تخليهن هالعيون تدمع فاهمه.. فطيم بطلت عينها وهزت راسها بالايجااب.. تلاقت عينها بعيوون سيف حست شكثر هالانسان يحبها ومستعد يسوي المستحييل عشاانها.. شافته وكلمته بعينها وترجته ما يخليها لانه صدق محتايتنه هالفتره ردت فطييم الصغيره اللي كل ما اتضاايجت ربعت لسيف لانه الوحيد اللي يفهمها من دون كلمه.. سيف كان بيسير بس من شاف كلام عيونها وقف وانقبض قلبه وصد لها: فطييم جريييب بيي اخطبج اتمنى ما ترديني.. ولا وفااتي بتكون ع ايدج انا ما اتحمل لحظه من حيااتي دونج.. فجاة غمض عينه واطالعها بحزن واذا صدق ما تبيني خبريني من الحين.. فطييم انتي حبيبتي وغنااتي واذا سعادتج بعييد عني انا انا مستعد اترك لج حياتج حرة من دوني.. فطييم اتلخبطت ما عرفت شو ترد وما هان عليها حزن سيف وصبره وتضحياته طول هالسنين والاهم انه ما في يوم نساه رغم الغربه وطووول البعد وصدها له.. حبيت نااس وباعوني بالرخص ومستحييل افرط فييك يا سيف بس انا.. رفعت عينها تطالعه ما حصلته..تنهدت وسارت صوب الصال ه وشلت العصير والكيك اول ما وصلت طاحت عينها عليه تدوره ما حصلته خافت يكون فيه شي ولا اتضاايج وطلع.. شافت ميره وسلمت عليها وحضنتها ما طاعت تفجها الا عقب مووت.. عقب سالتها : عيل وين سيف.. الا وشوي سيف حاادر عليهم الصااله اطالعها وابتسم بسمه ذوبتها من الخاااطر: سيف موجود بس يوعان جان بتاكلينا شي من اكلج بنكون ممنونيين لج ..
ام فطييم : افا علييك يا بويه شو ممنون .. تراها جييه ولا جييه حرمتك هيه وخدمتك واجبها..
قفطت فطييم.. اطالعت سيف غمزلها واستحت استاذنت ويرت ميره وساروا حجرتها.. ميرووه ما صدقت ان فطييم تتطلع من الصااله واول ما وصلت حجره فطييم يرتها وتتمت تتطالعها تترياها ترمس.. بس فطييييم سااكته وما قالت شي.. عقب طول صبر .. 
ميرووه : فطيييييييييم شو فييج بتيننني ترااج ..؟؟ شو ساالفتج انتي..؟؟
فطيم محتاارة تخبرها ولا لا هي في موقف لا تحسد عليه ابدا.. خذت نفس وتنهدت : ميروووه ما شي بس انا فكرت وااايد وااايد وقررت اني اني 
ميرووه وبصبر نفذ : انج شو..؟؟ شو يا فطييم 
فطييم: اني اني اوافق ع سيف
ميرووه بصدمه : شوووو..؟؟ والله ..!! بذمتج ..؟؟!!
فطيم وابتسامه ع ويهها: هييه والله وبذمتي 
ميروو ه وبويه ملامحه كله جاادة : فطيم ها زواج مب لعبه انا اعرف انج بنيه عاقله.. فطييم مب كنتي تحبين علي.. كيف توافقين ع سيف..؟؟ فهميني يا فطييم 
انصدمت هنيه فطييم جنه حد عاطنها كف ونزلت عيونها تحت وتمت فتره على هالحال وسكتت وعقب صدت ع ميرووه اللي كانت تتريا الاجاابه.. ابتسامه بارده ع ويهه فطييم وتتطالع ميرووه بحزن : ميرووه فديتج انا اكتشفت انا مشاعري صوب علي هيه مشااعر اعجااب لا اكثر ولا اقل.. والحب اللي كنت اظنه حب هو اعجااب.. يمكن بعد سيف مني وقربه فجاه مني هو اللي خلاني اتلخبط بمشااعري.. واليوم تاكدت من مشااعري صوب سيف.. احبه احبه احبه يا ميرووه وربي نااادمه ع كل يووووم ضيعته وعشت عمري بلاااه.. وفجاه صااحت فطييم صيااح يقطع القلب وما طاعت تسكت وميرووه يالسه تهدي فيها وتقرا عليها شوي..وتمسح ع راسها : فطييم حبيبي بس خلااص حياتي.. ولا ترا بزقر سوااف يشوف شغله ويااج عاد عقب كيفكم انا ما بفججه عنج ما يخصني .. ترا والله اسويها عادي لو ما سكتي 
نشت فطيم وشلت المخده اللي في ايدها وفرتها ع ميرووه: يالدبه لا تيلسين كل ساعه تهددين..
ميرووه : وياهالويه والشيفه طاعي الخشم محمررر والعيون منفخه تقوول وحده توها مسويه ع مليه تجميييل ..هههههههههههههههههههههه
فطيييم : ههههههههه دبه ما احبج انا وتطلع لسانها له
ميرووه: لازم ما بتحبيني عندج اللي تحبينه ويحبج ويعوضج عن حبي وغمزتلها
فطييم : حمااارة وسباله .. احسن لي اسير ابدل واغسل ويهي بدال سوالفج السخييفه
ميرووه: انا..!! سوالفي سخييفه..!! الغلط مب منج مني اني مجابلتنج ويا ويهج.. اونها زعلت ويايه تطلع من الحجرة ربعتلها فطييم وزختها وحدرتها دااخل: ويا ويهج اسووولف عنبو زعووله انتي ما تتحملين السواالف 
ميرووه : فدييييييييتني براييني زعووله.. هههههههههههه بعدين ابغي اعرف غلااتي عندج
فطييييييييييييم طنشتها: سايرة اغسل ويهي ورااده هب تتطلعين فاهمه.. وسارت غسلت ويهها وهي تغسل وييها يالسه تطالع عمرها فمنظره الحمام ( الله يعزكم ).. صااااااااااااااحت من خاااطرها ما قدرت تمنع نفسها لانها كانت كاتمه هالحزن اياام وايااام.. صااحت الجذب اللي عاشته وصااحت الجذبه اللي جذبتها ع ميرووه.. لاول مرة ما تكون صاادقه ويا ميرووه.. بس هيه مجبوورة ما تقدر تقوول لها الصدق والوااقع.. ما تقدر بس هييه ما جذبت اكتشفت في شي من مشاعرها تميل لسيف وبالقوو يمكن خسارتها الاخيره كشفت لها غلا سيف فقلب ها.. مسحت دموعها وقررت تنسى المااضي وتعيش حاضرها وتبني حياتها من اليوم ورااايح ويا سيف.. طللعت من الحمام وتشوف ميرووه معصبه : ميرووه شو بلاج معصبه ..؟؟
ميرووه : انتي تتسبحين ولاتغسلين ويهج..؟؟ عنبو سااعه تغسلين ويهج 
فطيم : هههههههههههههههههههههههههههههههههه فديت روحج سوري شيختي.. السمووحه.. ان زعلت برضيك وكل عمري فدااك
ميرووه : خلاص خلاص عفيت عنج بس بليييز لا تعيدينها مرة ثانيه لو سمحتي 
فطيم : طاعوا هاي صدقت عمرها الدبه 
ميرووه: يحقلي هب اخت سيف.. يحقلي كيفي 
فطيم سايرة صوب التسريحه وتعدل شعرها .. بطلته وميرووه انصدمت.. وتمت تتطالع فطيم: فطيييييييييييم ماشاالله شعرج طوييييييييييييل ما شاالله ما احيده احيده لين نص ظهرج والحين لين ركبتج ما شاالله والله لو سوااف شاافه بيتخبل يمووت ع الشعر الطوييل..
اطالعتها فطييم وابتسمت.. صح يوم تفقد شي الله يعوضك شي احسن عنه.. الحمدلله الحمدلله ع كل حاال .. خلصت من شعرها حطت جحال ع عيونها وجلوس وردي ع شفايفها.. ولبست لها مخوور ازرق طااالع خبااال عليها وخذت لها شيله نفس لون كندورتها.. طااالعه رهيييييييييييييييييييبه..
ميروه وهي تتطالعها: فطييييييييييم دخيييييييييلج لا تنزلين تحت جييه
فطييم زاايغه : شووو!! لييش..؟؟ شو فيني ازيغ
ميرووه : شو.. تزيغيني...!! انتي لو طلعتي جييه تعرفين شو بيستوي 
فطييم وهي صدق: ميرووه شو فيج شو بيستوي..
ميرووه: اخ اخ يا قلبي .. بتطلع من بيتكم جناازة 
فطييم وخلاص بتصييح : ميرووه ..!! شو هاي الرمسه ..
ميرووه: اقووولج بينتحر سواااف لو شافج جييه.. تخبلييييييييييين
فطييم انقهرت من ميرووه كل هالخوف والزيغه واخر شي سيف بينتحر.. ما حست بعمرها الا وهي تربع ورا ميرووه اللي خافت وطلعت من الحجرة وفطييم بعدها تتبعها .. ميرووه سبقتها ونزلت تحت وهي توها بتنزل ع الدري شافت سيف طالع من حجره عبدالله.. تخبلت ما تعرف شو تسوي..؟؟ تنزل ولا تترياه ولا تسير ما تعرف.. شوي وتشوف سيف ياي صوبها.. والابتساامه شااقه الحلج وهي روحها بتتخبل علييه اليوم يخبل بشكل .. غدا ويهها طماطه.. شمت ريحه عطره كان قريب منها بس بينهم مسافه تفصلهم عن بعض.. توها يايه بتسير زخها من ايدها.. ويوم وقفت بطلها : فطييم ليش طالعه جييه.. تبين تذبحيني انتي..؟؟
فطييم سكتت شوي بس ما رامت تيود عمرها وفطست من الضحك، سيف يشوفها مستغرب بس ذاااااب من ضحكتها.. وترياها ل ين ما تسكت: فطييم شو اللي يضحك فرمستي 
فطييم استحت : ها...!! لا .. لا لا لا ..ما شي بس سالفه اتذكرتها
وشوي تشوف ميروه يايه من الدري.. خااطرها تسير وتربع وتمطها من شعرها بس ما تروم سيف هنييه تستحي بس اشرتلها بايدها بحركه انه ما عليه دوااج عقب.. وسيف يطالع كل ها.. عقب ميرووه حست انها بامان دام سيف هنييه يعني فطييم ما تروم تسوي شي.. سارت صوب سيف وتمسكت فييه اونه تغايض فطييم وسوت لها حركه انه حرره ما ترومين تسوين شي.. وسيف شرات الاطرش فالزفه مب فاهم شي.. وعقب مسك ميرووه من اذنها وقالها: شو سالفتكن انتن..؟؟
ميرووه: تخبر حرمك المصوون..؟؟
فطييم انقهرت من ميرووه زودتها اليووم ما رامت تسكت زوود: جب جب يالدبه والله برااويج عقب وساارت وخلتهم روحهم.. سكتت ميرووه صدق زوودتها اليوم ويا فطييم.. ويايه تسير بس وزخها سيف: ميرووه شو بلاكن وليش فطييم اتضاايجت..؟؟
ميرووه: ما شي بس وخبرته السالفه 
سيف نقع من الضحك: هههههههههههههههههههههههههههههه.. واحليلج يا فطييم بعدين تعالي تعالي.. انتي ليش تزيغينها..؟؟ حرمتي هااي ياالله سيري راضيها وحبيها ع راسها
ميرووه: هههههههه براضيها ان شااالله كله ولا زعل فطييم وريلها 
سيف: ياللوتيه انتي .. ما تنغلبين امرره فالرمسه
ميرووه: افا علييك طاالعه على اخويه فدييييييييته
سيف: ههههههههه انا..!!. لا لا تتبلين عليه انا واحليلي طيب وع نيااتي 
ميرووه سوت له باي باي بسير عند فطييم.. اطالعها وضحك عليها وع خباالها وتم يدعي ربه انه يجمعه بفطييم وما يفرقهم عن بعض الا الموووت..

• غرد
• مشاركة
• اضافة